USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranda son bir ildə edam edilən məhbusların sayı açıqlanıb
İran İnsan Haqları Təşkilatının məlumatına görə, 2024-cü il oktyabrın 10-dan 2025-ci il oktyabrın 8-dək İran həbsxanalarında 1 537 məhbus edam edilib.
“Azad İran” Telegram kanalına istinadən verilən xəbərdə bildirilir ki, bu göstərici əvvəlki illə müqayisədə 86% artım deməkdir və edamların 94%-i gizli şəkildə həyata keçirilib.
Məlumatda qeyd olunur ki, bu müddət ərzində yetkinlik yaşına çatmamış 3 məhbus və 49 qadın edam olunub, 8 məhbus isə ictimaiyyətin gözü qarşısında edam edilib.
Edamların 48,3%-i narkotik qaçaqmalçılığı, 43,5%-i isə adam öldürməklə bağlı olub. Ən çox edam hökmü icra olunan əyalətlər Əlborz, İsfahan və Fars olub.
Qeyd edək ki, 2025-ci ilin əvvəlindən indiyədək şəxsiyyəti dəqiqləşdirilmiş 1 106 nəfər edam olunub və onlardan 30-u qadındır.
