USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
MİDA mənzillərinin qanunsuz satışında ittiham olunan 12 nəfər saxlanılıb
Bakı şəhərində MİDA tərəfindən ayrılan güzəştli mənzillərin sosial şəbəkələr və onlayn platformalarda qanunsuz satışını və kirayəyə verilməsini təşkil edən şəxslər müəyyən edilərək saxlanılıb. Bu barədə məlumatı Daxili İşlər Nazirliyi dekabrın 3-də yayıb.
Nazirliyin açıqlamasına görə, aparılan araşdırmalar nəticəsində 12 nəfərin güzəştli şərtlərlə verilən mənzillərin qanunsuz satışı və kirayə elanlarının yerləşdirilməsi ilə məşğul olduğu müəyyən edilib. Onların dövlət tərəfindən sosial qaydada ayrılan mənzilləri müxtəlif internet resurslarında satış və kirayə məqsədilə reklam etdikləri bildirilir.
DİN saxlanılan şəxslərin adlarını açıqlamasa da, onların fotoşəkillərini yayıb.
Qeyd edək ki, sosial mənzillərin tikintisi və satışı ilə məşğul olan MİDA (Mənzil İnşaatı Dövlət Agentliyi) prezident İlham Əliyevin 2016-cı il sərəncamı ilə yaradılıb. Güzəştli mənzillərin satışı yalnız “Elektron hökumət” portalındakı “Güzəştli mənzil” sistemi üzərindən elektron qaydada həyata keçirilməlidir.
Hazırda faktla bağlı araşdırmalar davam edir.
