USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“İranlıların etiraz etməyə tam haqqı var” – XİN rəhbəri
İranda son vaxtlar valyuta məzənnəsindəki dalğalanmalar fonunda keçirilən dinc etirazlara münasibət bildirilib.
İranın xarici işlər naziri Abbas Əraqçi sosial şəbəkə hesabında paylaşım edərək bildirib ki, iqtisadi çətinliklərdən təsirlənən iranlıların etiraz keçirməyə tam haqqı var.
Nazir qeyd edib ki, bununla yanaşı, bəzi hallarda zorakı iğtişaşlar da müşahidə olunur:
“Polis bölmələrinə hücumlar, polis əməkdaşlarına Molotov kokteyllərinin atılması kimi hallar qeydə alınıb”.
Abbas Əraqçi vurğulayıb ki, İran xalqı ölkənin daxili işlərinə hər hansı xarici müdaxiləni qətiyyətlə rədd edir:
“Keçmişdə olduğu kimi, bu gün də İranın böyük xalqı öz suverenliyinə yönələn müdaxilələri qəbul etməyəcək”.
Nazir əlavə edib ki, İranın silahlı qüvvələri yüksək hazırlıq vəziyyətindədir və ölkənin suverenliyinə hər hansı təhdid olacağı təqdirdə cavab verməyə hazırdır.
