USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda svetoforlara 115 velosiped bölməsi quraşdırılıb
Bakıda velosiped və kiçik elektrik nəqliyyat vasitələrindən istifadə edənlərin təhlükəsizliyinin artırılması məqsədilə yeni infrastruktur tədbirləri həyata keçirilib. Paytaxtın 47 yolayrıcında mövcud olan svetoforlara ümumilikdə 115 ədəd velosiped bölməsi quraşdırılaraq istifadəyə verilib.
Bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb. Bildirilib ki, görülən işlər çərçivəsində bir sıra yeni kəsişmələrdə də velosiped bölmələri tətbiq olunub. Həmin ünvanlar aşağıdakılardır:
• Yasamal rayonu, Hüseyn Cavid prospekti – Əbdürrəhim bəy Haqverdiyev küçəsinin kəsişməsi;
• Səbail rayonu, Neftçilər prospekti – Bülbül prospektinin kəsişməsi;
• Səbail rayonu, Xaqani küçəsi – Azadlıq prospektinin kəsişməsi;
• Xətai rayonu, İzzət Orucov küçəsi – Sabit Orucov küçəsinin kəsişməsi.
Qeyd olunub ki, yeni nəsil LED işıqlandırma ilə təchiz edilən velosiped bölmələrinin quraşdırılması mikromobilliyin inkişafı və yol hərəkətində təhlükəsizliyin təmin olunması məqsədi daşıyır.
