USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tehranda etirazlar zamanı 34 məscid yandırılıb
İranın paytaxtı Tehranda etiraz aksiyaları zamanı ciddi dağıntılar qeydə alınıb.
Tehran Yanğın Təhlükəsizliyi İdarəsinin yaydığı məlumata görə, nümayişçilərlə hüquq-mühafizə orqanları arasında baş verən silahlı toqquşmalar fonunda 26 yaşayış evi, 34 məscid, 40 bank və 15 ticarət mərkəzi yandırılıb.
Bildirilib ki, hadisələr zamanı hökumətə məxsus 13 bina, eləcə də 50 nəqliyyat vasitəsi də yanğın nəticəsində tam və ya qismən yararsız hala düşüb.
Rəsmi qurumlar yanğınların söndürülməsi və təhlükəsizliyin təmin olunması üçün fövqəladə xidmətlərin gücləndirilmiş rejimdə çalışdığını açıqlayıb. Hadisələrlə bağlı araşdırmalar davam etdirilir.
Qeyd edək ki, Tehranda və ölkənin digər bölgələrində etirazlar son günlər sosial-iqtisadi vəziyyətin pisləşməsi fonunda kəskinləşib.
