USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda bərbər müştərisinin təqaüdünü talayıb
Bakıda soyğunçuluq hadisəsi qeydə alınıb. Hadisə Mehdiabad qəsəbəsi ərazisində baş verib.
Zərərçəkən polisə müraciət edərək bildirib ki, küçə ilə hərəkətdə olarkən naməlum şəxs ona zor tətbiq edərək 485 manat pulunu talayıb.
Daxil olmuş müraciət əsasında Abşeron Rayon Polis İdarəsinin Mehdiabad Polis Bölməsinin əməkdaşları tərəfindən əməliyyat tədbirləri həyata keçirilib. Keçirilən tədbirlər nəticəsində əməli törətməkdə şübhəli bilinən, əvvəllər məhkum olunmuş 43 yaşlı Hüseynbala Cəfərov müəyyən edilərək saxlanılıb.
Araşdırma zamanı məlum olub ki, zərərçəkən həmin gün daimi müştərisi olduğu kişi salonuna gedib və söhbət əsnasında bərbərinə təqaüdünün köçdüyünü deyib. Bundan xəbər tutan H.Cəfərov müştərisini izləyərək ona hücum edib. O, zərərçəkənin başına polietilen torba keçirərək cibindəki pulu ələ keçirib.
Daha sonra təqsirləndirilən şəxsin əldə etdiyi pulu narkotik vasitə almaq məqsədilə şəxsiyyəti istintaqla araşdırılan İran vətəndaşına onlayn qaydada göndərdiyi müəyyən edilib.
Faktla bağlı araşdırma davam etdirilir.
