USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
3 barmağı olan çağırışçı ilə bağlı açıqlama: “Yararsız sayılması üçün əsas yoxdur”
Ayağında 5 əvəzinə 3 barmaq olan 25 yaşlı Fəzail Abbasquliyevin hərbi xidmətə yararlı hesab edilməsi ilə bağlı yayılan iddialara rəsmi münasibət bildirilib.
Məsələ ilə bağlı Dövlət Tibbi-Sosial Ekspertiza və Reabilitasiya Agentliyinin rəsmisi Tural Qurbanov açıqlama verərək sosial şəbəkələrdə səsləndirilən fikirlərin həqiqəti əks etdirmədiyini bildirib.
Onun sözlərinə görə, Füzuli rayon sakini olan vətəndaş 1 dekabr 2025-ci ildə tibbi müayinədən keçirilib və nəticələr qüvvədə olan qanunvericiliyə uyğun qiymətləndirilib.
Qeyd olunub ki, mövcud sağlamlıq vəziyyəti və müəyyən edilmiş diaqnoz hərbi xidmətə çağırışdan möhlət verilməsi və ya yararsız hesab olunması üçün əsas yaratmır.
Agentlik bir daha vurğulayıb ki, çağırışçıların yararlılıq dərəcəsi yalnız qanunvericilik və tibbi göstəricilər əsasında müəyyən edilir. Eyni zamanda, qərardan narazı olan şəxslərin məhkəməyə müraciət etmək hüququ var.
