USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Son iki gündə 82 şübhəli saxlanılıb – DİN statistikası
Aprelin 25 və 26-da ölkə ərazisində qeydə alınan cinayətlərlə bağlı əməliyyat nəticələri açıqlanıb.
Daxili İşlər Nazirliyinin Mətbuat Xidmətindən verilən məlumata görə, həmin günlər ərzində baş vermiş 90 cinayətin, eləcə də əvvəlki dövrlərdən bağlı qalan 7 hadisənin açılması polis əməkdaşları tərəfindən təmin olunub.
Həmçinin axtarışda olan ümumilikdə 61 nəfər saxlanılıb. Onlardan 30 nəfəri borclu şəxs qismində axtarışda olub və aidiyyəti üzrə təhvil verilib.
Əməliyyat tədbirləri nəticəsində narkotiklərlə əlaqəli 39 fakt, qanunsuz saxlanılan silah-sursatın götürülməsi və aşkarlanması ilə bağlı isə 6 fakt müəyyən edilib.
Bundan əlavə, cinayət törətməkdə şübhəli bilinən 82 nəfər saxlanılaraq məsuliyyətə cəlb edilib.
