USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda avtomobillərdən oğurluq edən şəxslər saxlanıldı
Bakının Sabunçu rayonunda avtomobillərdən oğurluq edən şəxslər tutulub.
Hadisə aprelin 28-də Bakıxanov qəsəbəsi ərazisində qeydə alınıb. Belə ki, sakinlərdən birinə məxsus “KIA” markalı avtomobildən sürücüyə aid qiymətli əşyalar oğurlanıb.
Daxili İşlər Nazirliyinin məlumatına görə, Sabunçu Rayon Polis İdarəsinin 13-cü Polis Şöbəsinin əməkdaşlarının keçirdiyi əməliyyat tədbirləri nəticəsində hadisəni törətməkdə şübhəli bilinən 37 yaşlı Mahir Məmmədov və 28 yaşlı Elvin Mehtiyev saxlanılıblar.
Araşdırma zamanı müəyyən edilib ki, saxlanılan şəxslər paytaxt ərazisində daha bir “KIA” markalı avtomobildən içərisində 270 manat, bank kartları və sənədlər olan pul kisəsini də oğurlayıblar. Onların cinayət əməli müşahidə kameraları vasitəsilə qeydə alınıb.
Bundan əlavə, saxlanılan şəxslərdən şəxsi istifadə məqsədilə əldə etdikləri psixotrop maddə – metamfetamin də aşkarlanıb.
Faktla bağlı araşdırmalar davam etdirilir.
