USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Temu”dan gətirilən yüklərlə bağlı gecikmələrin səbəbi açıqlandı
Azərbaycanda “Temu” platformasından sifariş edilən yüklərin həcminin kəskin artması gömrükdə müvəqqəti gecikmələrə səbəb olub.
Bu barədə Dövlət Gömrük Komitəsinin sədri Şahin Bağırov Milli Məclisin İqtisadi siyasət, sənaye və sahibkarlıq komitəsinin iclasında məlumat verib.
Onun sözlərinə görə, “Temu” vasitəsilə göndərişlər əvvəlcədən elektron məlumat təqdim edilmədən kütləvi şəkildə ölkəyə daxil olub: “Birdən-birə çox sayda yük hava limanına gətirilərək saxlanıldı. Bu isə əlavə yoxlamalara ehtiyac yaratdı”.
Ş.Bağırov bildirib ki, gömrük orqanları üçün əsas məsələ yüklərin tərkibi və ünvan sahiblərinin dəqiqləşdirilməsidir: “Elektron ticarət vasitəsilə yalnız istehlak malları deyil, icazə tələb edən dərman vasitələri və psixotrop maddələr də gətirilə bilər. Buna görə də yoxlama vacibdir”.
Komitə sədri qeyd edib ki, yaranmış sıxlıq səbəbindən təxminən iki həftə ərzində “Temu” yüklərinin rəsmiləşdirilməsində gecikmələr olub. Hazırda isə vəziyyətin stabilləşdiyi bildirilib.
Eyni zamanda, “Temu” platforması qarşısında yüklərlə bağlı məlumatların əvvəlcədən təqdim edilməsi tələbi qoyulub.
