USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
TƏBİB-in tabeliyində fəaliyyət göstərən tibb müəssisələrinə yeni rəhbər şəxslər təyin olunub.
TƏBİB sistemində yeni təyinatlar: bir sıra xəstəxanalara direktorlar təyin edildi
Qərara əsasən, tibb üzrə fəlsəfə doktoru Zəhra Vəzirova Yeni Klinikaya direktor təyin edilib. O, müxtəlif illərdə Mərkəzi Neftçilər Xəstəxanası və Milli Onkologiya Mərkəzində rəhbər vəzifələrdə çalışıb, son illər isə İ.M. Seçenov adına Birinci Moskva Dövlət Tibb Universitetinin Bakı filialında fəaliyyət göstərib.
Əməkdar həkim Zaur Xəlilov Mərkəzi Neftçilər Xəstəxanasına direktor təyin olunub. O, uzun illər cərrah kimi çalışıb və son dövrdə həmin müəssisədə rəhbər vəzifələrdə fəaliyyət göstərib.
Hacı Lətifov isə Abşeron Rayon Mərkəzi Xəstəxanasının direktoru təyin edilib. Təcrübəli cərrah müxtəlif tibb müəssisələrində fəaliyyət göstərib, son olaraq Zaqatala Rayon Mərkəzi Xəstəxanasında direktor müavini olub.
Bundan başqa, əməkdar həkim Musa Abbasov Kliniki Tibbi Mərkəzə direktor təyin edilib. O, uzun illər müxtəlif xəstəxanalarda rəhbər vəzifələrdə çalışıb və son olaraq Mərkəzi Neftçilər Xəstəxanasına rəhbərlik edib.
Yeni təyinatların səhiyyə sistemində idarəetmənin təkmilləşdirilməsinə xidmət edəcəyi bildirilir.
