USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda Denqe virusuna ilk yoluxma halı qeydə alınıb
Gürcüstanda Denqe virusuna (DENV) yoluxma faktı aşkarlanıb.
Məlumata görə, bu barədə İaşvili adına Mərkəzi Uşaq Xəstəxanası-nın tibbi direktoru İvane Çxaidze açıqlama verib.
Onun sözlərinə görə, Denqe virusuna yoluxma diaqnozu ötən həftə bir nəfərdə laborator şəkildə təsdiqlənib.
Mütəxəssislər bildirirlər ki, Denqe əsasən ağcaqanadlar vasitəsilə yayılan virus infeksiyasıdır. Xəstəliyin inkubasiya dövrü adətən 5-7 gün davam edir. İlkin əlamətlər arasında yüksək hərarət, üşütmə, güclü baş ağrısı, əzələ və oynaq ağrıları yer alır. Bəzi hallarda hərarət 39-41 dərəcə selsiyə qədər yüksələ bilər.
Səhiyyə qurumları vətəndaşlara ağcaqanad sancmalarından qorunmaq üçün profilaktik tədbirlərə əməl etməyi tövsiyə edir. Xəstəliyin əlamətləri müşahidə edildikdə isə dərhal həkimə müraciət olunması məsləhət görülür.
