USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhəmməd Mirzəliyə sui-qəsd işi üzrə prokuror ağır cəzalar tələb edib
Fransanın Rennes şəhərində bloger Məhəmməd Mirzəli-yə qarşı sui-qəsd işi üzrə məhkəmə prosesi davam edir.
Prosesdə prokuror təqsirləndirilən şəxslər üçün ağır cəzalar tələb edib. Onların arasında ən ağır cəza – 30 il müddətinə azadlıqdan məhrumetmə – Emin Qasımov (kriminal çevrədə “Emin Naxçıvanski” kimi tanınan) üçün istənilib. O, Mirzəliyə birbaşa hücumda ittiham olunur.
Digər təqsirləndirilənlər üçün də müxtəlif müddətlərdə həbs cəzaları tələb olunub:
* Mehrac Zərbəliyev və Rövşən Qocayev – 22 il,
* Emin Zamanzadə – 18 il,
* Rza Məlikov – 15 il,
* Xəzər Xankişiyev, Ramil Sultanov və Çingiz İbrahimov – 5 il müddətinə azadlıqdan məhrumetmə.
İttihama görə, bəzi şəxslər hücumun planlaşdırılması, koordinatların ötürülməsi və logistika dəstəyi ilə məşğul olublar.
Məlumata əsasən, prokuror həmçinin bəzi epizodlar üzrə bəraət tələb edib.
Prosesin növbəti mərhələsində məhkəmənin yekun qərarını açıqlaması gözlənilir.
