USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhəmməd Mirzəliyə qarşı cinayət işi üzrə məhkəmə başlayıb – Qiyabi hökm gözlənilir
Azərbaycan hökumətini sosial şəbəkələrdə kəskin tənqid edən siyasi bloqer Məhəmməd Mirzəliyə qarşı cinayət işi üzrə məhkəmə prosesi başlayıb. Hazırda Fransada siyasi mühacir kimi yaşayan Mirzəliyə qarşı qaldırılan iş üzrə qiyabi məhkəmə hökmünün çıxarılması gözlənilir.
Bu proses, bir müddət əvvəl digər tanınmış mühacir bloger Qabil Məmmədova qarşı çıxarılmış qiyabi hökm fonunda baş verir. Hər iki şəxs xaricdən Azərbaycan hakimiyyətini açıq şəkildə tənqid edən və sosial media platformalarında fəallığı ilə seçilən mühacir fəallardandır.
Məhəmməd Mirzəli haqqında konkret hansı maddələrlə cinayət işi açıldığı hələ ictimaiyyətə tam açıqlanmayıb. Lakin hüquq müdafiəçiləri bu məhkəmə işlərini siyasi motivli hesab edir və bunların məqsədinin müxalif səsin boğulması olduğunu bildirirlər.
Fransada yaşayan Mirzəli daha əvvəl də bir neçə dəfə fiziki hücuma məruz qalıb. O, bu hücumların Azərbaycan hakimiyyətinin sifarişi ilə həyata keçirildiyini iddia edir.
