Sumqayıtda 18-ci mikrorayon, ev 5-də yaşayan Yusubov Rafiq Tapdıq oğlunun heç bir səbəb olmadan əlillik pensiyası dayandırılıb. 1962-ci l təvəllüdlü əlil üç aydır üz tutmadığı dövlət qurumu qalmayıb. Haqqını bərpa edə bilməyən R.Yusubov məcbur qalaraq aclıq aksiyasına başlayıb.

Reportyor.info xəbər verir ki, Əmək və Əhalinin Sosial Müdafiəsi Nazirliyinin, digər qurumların nümayəndələri onu aclığı dayandırmağa çağırıb, problemin həllinə söz veriblər.

Amma beş dəfə nazirliyə gedən, sonra gah Abşeron, gah Sumqayıtdakı müvafiq qurumlara göndərilən R.Yusubovun əlillik pensiyası məsələsi yoluna qoyulmayıb. Aclığı dayandırmasına, DSMF-yə müraciətinə baxmayaraq, 20 gün keçib, heç nə həllini tapmayıb.

Onun sözlərinə görə, ƏƏSMN və digər qurumlar tərəfindən aldadılmaqdadır, pensiya verilmir deyə dərman pulu yoxdur. R.Yusubovla bağlı nazirlikdən açıqlama gözləyirik. Bu dəfə də əlil aclıq elan etsə, başına bir iş gəlsə, bunun məsuliyyətini kim daşıyayacaq, cənab nazir Sahil Babayev?!