Son günlər fəaliyyətindəki neqativlərlə diqqətə gələn “Azərbaycan Dəmir Yolları” QSC-nin sədri Cavid Qurbanovla bağlı foto.info.az-a yeni informasiyalar daxil olub. Bəri başdan qeyd edək ki, əldə etdiyimiz məlumatların bəziləri ilə bağlı araşdırma apardığımızdan onları növbəti günlərdə diqqətinizə təqdim edəcəyik. Hələliksə...

Cavid Qurbanov dostlarını necə "satıb"...

Dia.az xatırladır ki, mətbuata açıqlamalarının birində Cavid Qurbanov keçmiş Nəqliyyat Naziri Ziya Məmmədovla yaxın dost olduğunu bəyan etmişdi və hətta karyera yüksəlişində də Ziya Məmmədovun müstəsna xidmətlərini danmırdı. Amma sonrada onların arası müəmmalı səbəbdən dəydi.

Bunu xatırladan məlumatlı mənbə iddia edir ki, Cavid Qurbanov həm Ziya Məmmədov və həm də sələfi Arif Əsgərovla həqiqətən də yaxın münasibətlərdə olmasına rəğmən sonradan onlar barəsində "yuxarılara" məlumatlar ötürərək hər iki şəxsin gözdən düşməsinə müvəffəq olub. Bununla da kifayətlənməyən Cavid Qurbanov paralel olaraq mətbuatda da hər iki sabiq məmurun nüfuzdan salınması üçün əməlli-başlı çaba sərf edib.

Qarşılıqlı şantaj...

Mənbə foto.info.az-a açıqlamasında iddia edir ki, ardından Cavid Qurbanovun susdurulması üçün hərəkətə keçən dostlar artıq etimaddan düşdüklərindən əllərində olan və həqiqətən də Cavid Qurbanovu bitirə biləcək faktları ictimailəşdirməkdən belə yayınırlar. Mənbə iddia edir ki, ilk başdan onlar da “Azərbaycan Dəmir Yolları” QSC-nin rəhbbərinə adekvat cavab vermək fikrinə düşüblər və Cavid Qurbanocun "Azəryolservis" rəhbərliyindəki yeyintisini ifşa edən faktları ictimailəşdirməyi qərarlaşdırıblar.

Sonradan bu msələnin daha böyük ajiotaja səbəb olacağını və bu işdə çoxlarının yana biləcəyini bildiklərindən fikirlərindən daşınıblar.

Beləcə görəvə gəlib...

Mənbə iddia edir ki, bu gün də Cavid Qurbanov bəzi çevrələri açıq şəkildə şantaj etməklə məşğuldur: "Bu, səlində QSC sədrinin qabaqcadangəlmişliyi kimi də qəbul oluna bilər. Çünki əks halda, özü eyni üsulla mövqelərini itirə bilər və hətta fəaliyyəti araşdırılarsa, barəsində hüquqi işləmlər də aparıla bilər...

Araşdırmalarımız davam edir. İddia olunanlarla bağlı bütün maraqlı tərəfləri dinləməyə hazırıq...