USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Baş Prokurorluq Qənimət Zahidi istintaqa cəlb edib, onun Bakıya gəlməsi tələb olunur
“Azadlıq” qəzetinin Fransada yaşayan baş redaktoru Qənimət Zahid barəsində Azərbaycan Baş Prokurorluğu tərəfindən yeni proseslər başladılıb. Məlumat İctimai Televiziya tərəfindən yayımlanıb.
Rəsmi bildirişə görə, Zahidov Qənimət Səlim oğlu Azərbaycan Cinayət Məcəlləsinin 281.2-ci maddəsi (dövlət əleyhinə yönələn açıq çağırışların təkrar və ya bir qrup şəxs tərəfindən edilməsi) üzrə “təqsirləndirilən şəxs” qismində istintaqa cəlb edilib və onun barəsində axtarış elan olunub.
Həmin məlumata əsasən, Bakı Şəhər Səbail Rayon Məhkəməsinin 25 iyul 2018-ci il tarixli qərarı ilə Qənimət Zahid barəsində 4 aylıq həbs qətimkan tədbiri seçilib.
Prokurorluq bildirir ki, 4 avqust 2018-ci ildə Zahidin tutulması və ekstradisiyası üçün Fransa hakimiyyətinə sorğu göndərilsə də, bu, həyata keçirilməyib.
Qurum Qənimət Zahidin 24 noyabr tarixində Baş Prokurorluğa gəlməli olduğunu açıqlayıb.
Qənimət Zahid məsələ ilə bağlı hələlik ictimai açıqlama verməyib.
