USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AİHM “Azadlıq” qəzetinin şikayəti üzrə qərarını açıqladı: Azərbaycan ifadə azadlığını pozub
Noyabrın 25-də Avropa İnsan Hüquqları Məhkəməsi (AİHM) “Azadlıq” qəzetinin şikayəti ilə bağlı iş üzrə qərarını elan edib.
Məsələ 2012-ci ildə metro tariflərinin artırılması fonunda qəzetdə “Bakı Metropoliteni” QSC rəhbərliyini tənqid edən məqalənin dərcindən sonra yerli məhkəmələrin qəzetə qarşı çıxardığı qərarla bağlıdır. Həmin vaxt məhkəmələr qəzetin tənqidi yazı ilə sabiq baş direktor Tağı Əhmədovun nüfuzuna xələl gətirdiyini bildirərək “Azadlıq”dan təkzib verməyi, ona 30 min 600 avro həcmində təzminat ödəməyi tələb etmişdi.
Qəzet isə bu qərarların və tətbiq olunan sanksiyaların qeyri-mütənasib olduğunu bildirərək Avropa Konvensiyasının 10-cu maddəsinin (ifadə azadlığı) pozulduğunu əsas gətirərək AİHM-ə müraciət etmişdi.
Strasburq Məhkəməsinin qərarı
AİHM müəyyən edib ki, Azərbaycan məhkəmələrinin qərarları ifadə azadlığını pozub. Məhkəmə “Azadlıq” qəzetinin xeyrinə qərar çıxararaq dövlətin ona:
• 25 min avro maddi ziyan,
• 3 min avro mənəvi ziyan,
• 1 min 500 avro əlavə xərclər
olmaqla ümumilikdə təxminən 29 min 500 avro kompensasiya ödəməli olduğuna qərar verib.
Qərar ifadə azadlığı ilə bağlı daha bir presedent kimi qiymətləndirilir.
