Ukraynanın keçmiş naziri Zelenskiyə Putinlə danışıqlara dair məsləhətlər verib.
Ukrayna və Rusiya prezidentləri arasında danışıqların aparılması naminə Kiyev Moskvanı təcavüzkar hesab etməkdən əl çəkməlidir. Bunu Ukraynanın keçmiş iqtisadiyyat naziri Viktor Suslov bildirib.
“Putinin, Lavrovun dediklərinə, rus diplomatiyasının nə yazdığına diqqət yetirin. Nə qədər ki, Ukrayna tərəfi Putinin işğalçı dövlətin başçısı, Rusiyanın münaqişə tərəfi olduğunu hesab edir, danışıqlar olmayacaq”, - deyə o, “Bizim” telekanalının efirində deyib.
Suslovun fikrincə, danışıqlardan imtina Kiyev üçün sərfəli deyil, çünki Donbass Rusiya iqtisadiyyatına hər gün daha aktiv şəkildə inteqrasiya olunur.
Keçmiş nazir həmçinin təklif edib ki, hakimiyyət Moskvanın təcavüzkar mövqeyindən əl çəkmək və onlarla birbaşa danışıqlar aparmaq istəmirsə, “DXR” və “LXR”i “Putinin nümayəndələri” kimi qəbul etsinlər.