"Kvemo Kartlidə, Marneuli və Qardabaninin kəndlərinin adlarının dəyişdirilməsi prosesi hər birimizi narahat edir. Məndə olan məlumata görə, bu məsələ yeni qubernatorun təşəbbüsüdür və bununla 'Gürcü Arzusu' hakimiyyətinin nümayəndələri və qubernatorun bu təşəbbüsü regionda yeni bir konfliktin yaranmasına səbəb ola bilər".

Gürcüstan mətbuatı xəbər verir ki, bu sözlərlə müxalif "Vahid Milli Hərəkat"ın Marneuli qərargahının sədri Aqil Mustafayev Marneuli və Qardabanidə kəndlərə və küçələrə adların verilməsinə münasibət bildirib.

O, bələdiyyə deputatlarını bu məsələyə sakit qalmamağa çağırıb.

"Ümumiyyətlə, kənd adlarının dəyişdirlməsi və qəsəbə adların dəyişdirilməsi ilk növbədə, həmin kənddə yaşayan əhalidən aslı olmalıdır, əhali istədiyi formada, istədiyi şərtlərə əsasən bu adlar dəyişdirilməlidir. Amma biz təəssüflər olsun ki, görürük ki, əhalidən soruşmadan belə bu gün hakimiyyət və nümayəndələri bu addımı atmaq istəyirlər və bu isə, ilk növbədə burda yaşayan insanlara təhqirdir və hörmətsizlikdi. İkinci bir məsələ də var ki, əlbəttə ki, bizim bələdiyyələrə seçilən nümayəndələrimiz, istər hakimiyyətdən olsun, istər muxalifətdən olsun, bu xalqı təmsil edən insanlar bu gün, bununla bağlı, səsini çıxarmalıdırlar ki, əhalinin, kəndlərdə yaşayan insanların razılıqı olmadan, nəyinki kəndlərin adının dəyişdirilməsı hətta, o kəndlərdə küçə adların verilməsi prosessi sona yetirilməlidir",- A.Mustafayev qeyd edib.