USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
San Dieqoda məscidə silahlı hücum: yeniyetmələr həlak olub, iki hücumçu öldürülüb
ABŞ-ın San Diego şəhərində yerləşən Islamic Center of San Diego məscidinə silahlı hücum edilib. Yerli polis hadisənin günorta saatlarında baş verdiyini bildirib. İlkin məlumatlara görə, hücum zamanı bir neçə nəfər güllələnib. ABŞ mediası hücum nəticəsində 3 yeniyetmə şagirdin həyatını itirdiyini yazır.
Hadisə yerinə çoxsaylı polis və xüsusi təyinatlı qüvvələr cəlb olunub. San Diego Polisi bir müddət sonra “təhlükənin zərərsizləşdirildiyini” açıqlayıb. Polis mənbələrinin məlumatına əsasən, silahlı hücumu həyata keçirən iki nəfər öldürülüb.
Hücumun baş verdiyi məscid San Dieqodakı ən böyük islam mərkəzlərindən biri hesab olunur və burada dini məktəb də fəaliyyət göstərir. Hadisə zamanı ərazidə olan uşaqlar və ailələr polis nəzarəti altında təxliyə edilib. Federal Təhqiqat Bürosu (FBI) da araşdırmaya qoşulub.
Rəsmilər hələlik hücumun motivi və ölənlərin kimliyi barədə tam məlumat yaymayıblar. Hadisə ilə bağlı araşdırma davam edir.
