Rusiya Xarici İşlər Nazirliyinin Nüvə Silahlarının Yayılmaması və Silahlara Nəzarət Departamentinin direktoru Vladimir Yermakov deyib ki, Qərb dövlətlərinin əsassız anti-Rusiya isteriyasına son qoymağın və vəziyyəti onlar üçün son dərəcə ağrılı bir vəziyyətə gətirməməyin vaxtıdır. “Rusiyanın təhlükəsizlik zəmanətləri ilə bağlı təkliflərinin əsas mesajlarından biri odur ki, Qərbin fikirlərini dəyişməsinin, əsassız anti-Rusiya isteriyasına son qoymağın və vəziyyəti özləri üçün son dərəcə ağrılı bir gərginliyə gətirməməyin vaxtıdır" - Yermakov deyib. “Rusiya-Qərb münasibətlərində yığılmış problemlərin “kritik kütləsi” səbəbindən ölkəmizə təhlükəsizliyin hüquqi təminatları ilə təmin edilməsi məsələsi o qədər aktuallaşıb ki, indi strateji gündəliyin bir sıra digər mühüm aspektlərini bir qədər sıxışdırıb"- diplomat əlavə edib. O xatırladıb ki, təhlükəsizlik təminatları üzrə dialoq çərçivəsində ABŞ və NATO üçün əsas tələblər Şimali Atlantika Alyansının daha da genişlənməsinin yolverilməzliyi və onun qüvvə və vasitələrinin konfiqurasiyasının mövcud vəziyyətə qaytarılmasının zəruriliyidir.