Bakı 28°C
USD - 1.7000
EUR - 2.0141
RUB - 0.0226

Ermənipərəst çirkin Amerika siyasəti

Ermənipərəst çirkin Amerika siyasəti

Böyük təntənə ilə Amerika səfirliyi əlaqələrimizin 30 ‎illiyini qeyd edir. Bu illər ərzində yalnız öz maraqlarını güdən səfirlik ‎maksimum dərəcədə xalqımıza və dövlətimizə qarşı hörmətsizlik və ‎haqsızlıq nümayiş etdirib.‎

Xüsusən səfirliyin konsulluq idarəsi millətimizin "qanını içməklə" ‎məşğuldur. Amerikaya viza almaq istəyən Azərbaycan vətəndaşı bu ‎gün (01.10.2022) viza üçün müraciət etsə, onun növbəyə qəbul vaxtı 2023-cü ilin ‎yanvar və ya fevral ayında olacaq. Demək ki, viza üçün müraciət edənlərin sayı həddən artıq çoxdur. Hazırda 2023-cü ilə qədər boş gün ‎yoxdur.

Gün ərzində səfirliyə viza üçün təxminən ən azı 30 vətəndaş ‎müraciət edir. Hər pasport üçün viza rüsumu 160 dollardır. Hər gün ‎bizim hesabımızdan səfirliyin büdcəsinə ən azı 4800 dollar daxil olur. ‎Bir ay ərzində viza rüsumlarından səfirlik ən azı Azərbaycan ‎vətəndaşlarından 100 min 800 dollar vəsait qazanc əldə edir.

Bəs ‎B1 və B2 turistik viza üçün müraciət edənlərin neçə faizi viza ala bilir?

Gün ‎ərzində müraciət edən ən azı 30 vətəndaşdan bəlkə 2-3 nəfər viza ala bilər.‎ O da mükəmməl ingiliscə danışa bilərsə.

Azərbaycanın çörəyini yeyən ermənipərəst Konsul, vətəndaşlarımıza ‎əsassız olaraq imtina məktubu verərək səfirlikdən qovur. Sülhsevər, mehriban ‎xalqımız da, ürəyində Konsula və bütün Amerika xalqına nifrətlə ‎səfirliyi tərk edir.

Vətənimizə və xalqımıza nifrət edən Konsul vətəndaşlarımızı ingilis ‎yaxud rus dilində danışmağa məcbur edir. Bütün sənədləri qaydasında olan və sırf ingilis və ya rus dilini zəyif ‎bildiyindən öz fikirlərini mükəmməl şəkildə ifadə etməməyinə görə Azərbaycan vətəndaşlarına viza verilmir. Hələ üstəlik Amerika siyasətinə qarşı çıxan xarici dövlətlərin Bakıdakı nümayəndəliklərinin əməkdaşısansa viza almağı unut.

Səfirliyin vətəndaşlarımıza etdiyi ən böyük hörmətsizlik isə Konsul ilə görüşə hazırlaşan vətəndaşın sanki hakim qarşısına çıxarıldığı kimi ayrıca tualetin qarşısında qoyulmuş stulda otuzdurularaq gözlədilməsidir.

Hansı ki, ‎həqiqətən Amerikaya səyahət etmək istəyən vətəndaşlarımız orta ‎təbəqəli insanlardır. Onlar xəyallarını və arzularını həyata keçirmək üçün böyük ümüdlə səfirliyə gələrək yalnız 7-10 günlük səfər etmək üçün viza istəyirlər. Övladlarının, yaşlı valideynlərinin, daşınmaz əmlaklarının ‎sənədlərini təqdim etsələr də Konsul buna məhəl qoymadan ‎vətəndaşlarımızı imtina məktubu verməklə təhqir edir. ‎

Əziz həmvətənlərim!

Amerikaya turistik viza üçün müraciət etməyin! ‎Boşuna halal 160 dollarınızı Konsulun büdcəsinə köçürməyin!

Onsuz ‎da sizə imtina veriləcək! Əmin olun ki, imtina alacaqsınız!

Ermənipərəst çirkin Amerika siyasəti

Bu Amerika səfirliyinin Azərbaycana olan siyasətidir. 4 il əvvəl necə ‎olubsa indi də belədir və belə olacaq.!

Çünki biz Azərbaycanlıyıq!‎

Amerikanın dünyada ən böyük səfirliyi Ermənstandadır. İstənilən ‎erməni səfirliyə qaydalar çərçivəsində sənədlərini təqdim edərsə ona ‎heç vaxt imtina verilməz.

Bu çirkin siyasət müsəlman ölkələrinə tətbiq ‎olunan siyasətdir. ‎

Araşdırmaçı jurnalist Tərlan Novruzov

BÖLMƏNİN DİGƏR XƏBƏRLƏRİ