Bir-iki gün bundan öncə İctimai Xəbər Agentliyi MMC-nin və AtaTV.az xəbər portalının əməkdaşları olaraq, koronovirus (COVİD-19) infeksiyasına qarşı aparılan mübarizə tədbirlərinin necəliyini müəyyən edib lazımi məlumatları əldə etmək üçün, Bakı şəhərinin Nizami rayonunda olduq və bu yöndə müəyyən çəkilişlər də həyata keçirdik. Ümumi müşahidələrimiz və bəzi vəzifə sahibləri ilə apardığımız söhbətlər zamanı bəlli oldu ki, paytaxtın bu rayonunun ərazisində dizenfeksiya işləri yüksək səviyyədə aparılır. Yol kənarlarında, mərkəzi küçələrdə xidməti vəzifələrini həyata keçirən polis əməkdaşları ilə bərabər, daxili qoşun hissələrinin əməkdaşları da, ötüb-keçən şəxsləri yoxlayır, hər kəsi xüsusi karantin rejiminin tələblərinə əməl etməyə dəvət edirdilər. Hər iki güc sturukturu əməkdaşlarının bu yöndə atdıqları addımlar qanunvericiliyin tələbləri əsasında atıldığından, KİV nümayəndəsi olaraq onların fəaliyyətlərini işıqlandırmağı özümüz üçün borc bildik. Rayonun 50 saylı MİS-nin rəhbərliyi görülən işlərlə bağlı ünvanladığımız suala cavabında bildirdi ki, “lazımi avadanlıqların vaxtlı-vaxtında çatdırılması, ərazilərdə dizenfeksiya işlərinin həyata keçirilməsinə çox böyük təsir göstərir. Biz cənab Prezidentin və Nizami rayon rəhbərliyinin bu yöndə verdiyi tapşırıqları yerinə yetirib, insanların koronovirus (COVİD-19) infeksiyasına yoluxmalarının qarşısını almağa çalışırıq”.

Rasafil Bayramov

İctimai Xəbər Agentliyi MMC-nin rəhbəri

Mircəlil Ağayev

AtaTV.az xəbər portalının xüsusi müxbiri