Aİ iki marjinal qiymət müəyyən edib. 1. Xam neftdən baha olan neft məhsullarına, məsələn, dizel yanacağı üçün 100 dollar/barel; 2. Xam neftdən ucuz olan mazut kimi daha məhsullar üçün 45 dollar/barel. Xatırladım ki, Rusiya xam neftinin qiymətinin yuxarı həddi ötən il dekabrın 5-dən 60 dollar/bareldir və hazırda Urals markalı Rusiya istehsalı olan xam nefin 1 barrelinin dünya bazar qiyməti 50.85 dollar, WTI markalı Amerika xam neftinin qiyməti 73.39 dollar, Brent markalı Britaniya xam neftinin qiyməti 79.94 dollar, Azeri Light markalı Azərbaycan xam neftinin qiyməti 90.67 dollardır.

Göründüyü kimi, Aİ Rusiyanının xam neftinə qiymət tavanı təbiq edəndən sonra rus nefti amerikan neftindən 1.44 dəfə, Britaniya neftindən 1,57 dəfə, Azərbaycan neftindən isə 1,78 dəfə ucuz satılır ki, bu da Rusiyanın xam neft satışından gəlirlərini kəskin azaldır. Rusiya həmçinin Urals markalı xam neftin aşağı qiymətlə satışında da çətinliklə üzləşir.

Hazırkı qərarla eyni situasiyanın Rusiyanın neft məhsullarının satışında da yaranacağı gözlənilir. Təəssüf ki, eyni yanaşmanı rus qazının satışında tətbiq etmək çətindir. Əksinə ötən il ərzində “Qazprom”un xarici bazarlarda saatışının 46 faiz azalmasına baxmayaraq şirkət 2,5 trilyon rubl [53 milyard dollar] rekord gəlir əldə edib.