USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Galib Toğrul: "Qubad müəllim müsəlmandır. Onun heç bir dini sekta ilə bağlılığı yoxdur."
Sosial mediada Qubad İbadoğlunun dini mənsubiyyətinin olmaması ilə bağlı müxtəlif statuslar paylaşılır. Bu statusların xoşməramlı olduğuna, Fətullah Gülənlə bağlı saxta ittihamın puçluğunu sübut etməyə yönəldiyinə zərrəcə şübhəm yoxdur.
Bu günədək dini mövzuda çıxışı, yazısı, hətta bir kəlmə sözü belə olmayan alimi hansısa dini sekta ilə bağlamaq cəhdlərinin xalqda belə reaksiya doğurması da başadüşüləndir.
Dostlar, Qubad müəllim dini mənsubiyyətinə görə müsəlmandır. Namaz qılmasa da, gərgin iş rejiminin və səhhətinin imkan verdiyi vaxtlarda ramazan aylarında oruc tutub.
Şooenhauer yazırdı ki, inanc (din) və elm bir tərəzinin iki gözüdür, onlardan biri nə qədər yuxarı qalxarsa, o birisi o qədər aşağı düşür. Ancaq Qubad müəllim Şopenhauerdən fərqli olaraq din və elmi eyni tərəzinin iki fərqli gözünə qoymağın, dinlə elmi müqayisə etməyin həmişə əleyhinə olub. Qardaşım birmənalı olaraq hesab edir ki, dini elmlə izah etmək cəhdləri yanlışdır, çünki din ruh, mənəviyyat və vicdan məsələsidir. Din insan ruhunun arınmasına, qəlbinin gözəlləşməsinə, mənəviyyatının zənginləşməsinə aparan yoldur.
Və nəhayət, Qubad müəllimin fikrincə, Allahın insandakı təcəssümü onun vicdanıdır.
Paylaşımlarınızda bunu nəzərə almağınızı rica edirəm.
