USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Son günlər dindarlara qarşı kütləvi həbslər artıb
Son günlər saxlanılan dindarların bəzilərinin adları (yenilənib)
Cümə axşamı axşam saatlarında "Müdafiə Xətti" saxlanılan aşağıdakı səkkiz şəxsin adlarını təsdiq edib: Bəxtiyar Məmmədov (Astara rayonu, Suparibağ kəndi); Eyvaz Baxşıyev (Astara rayonu, Ərçivan qəsəbəsi); Rahil Ağayev (Biləsuvar rayonu); Hüseyn Rzayev (Neftçala rayonu); Nəsrəddin Nəsirov (Göyçay rayonu); Ceyhun Hacıyev ("Müsəlman Birliyi" Hərəkatı); Cavanşir Cəfərli və Hacı Elxan.
Onların hamısına qarşı narkotik ittihamı irəli sürülüb.
* * *
Dindarların həbsi dalğası güclənir
Son üç gün ərzində onlarla inanclı şəxslərin həbs edildiyi bildirilir.
Həbs olunan şəxslərin yaxınları bildirir ki, həbslər fevralın 19-dan başlayıb və kütləvi xarakter alıb: "Gəncədə elə hal olub ki, bir küçədən 7 nəfəri bir gündə həbs ediblər".
Onların sözlərinə görə, həbslə Bakıda, Biləsuvarda, Neftçalada, Gəncədə, Asta ada və Masallıda olub: "Həbs olunanların hamısını narkotiklə ittiham edirlər. Amma bu adamları müəzzindir deyə, nə vaxtsa Kərbəlaya gedib şəkil çəkdirib qoyub, Qumda oxuyub deyə tuturlar".
Məsələ ilə bağlı hüquq-mühafizə orqanlarından münasibət öyrənmək olmayıb.
