USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Neftçilərin nəqliyyat problemi həll edilmir
Dənizdə çalışan neftçilər illərdir nəqliyyat probleminin həll edilməməsindən şikayətçidirlər. Neftçilər deyirlər ki, küləkli, fırtınalı, yağışlı günlərdə növbə dəyişə bilmirlər.
İşdən çıxarılma təhlükəsindən adının açıqlanmasını istəməyən neftçilərdən biri Meydan TV-yə danışıb ki, mayın 19-da helikopter bloklararası uçuş edərkən qəzadan son anda yayına biliblər.
“Neftçilərin həyatı nəzərə alınmır, ya helikopter, ya da gəmi nasaz olur. Allahın ümidinə qalmışıq, hər növbə dəyişəndə stress və narahatlığa ürəyimiz dayanmır. Tək çarəmiz bunları bizə yaşadanların eyni hisslər keçirməsinə ümid etməkdir. Bəlkə onda çəkdiklərimizi başa düşərlər”,- neftçi deyib.
Başqa bir neftçi isə bildirib ki, helikopterin nasazlığı səbəbindən təhlükəli vəziyyətin yaranması yeni deyil, bu hal bir neçə dəfə təkrarlanıb.
