USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həbsdə olan gənc alim baş prokurora müraciət edib
46 gündür aclıq edən iqtisadçı Baş prokurora müraciət edib. Azərbaycanda Penitensiar Xidmətin Müalicə müəssisəsində saxlanılan, 46 gündür aclıq aksiyası keçirən İstanbul Universitetinin doktorantı Fazil Qasımov bu gün ona qarşı irəli sürülən ittihamın əsasız olması və bu səbəbdən cinayət işinə xitam verilməsi xahişi ilə Baş Prokurora müraciət edib.
Bu barədə onun vəkili Telman Qasımov iyulun 29-da onunla görüşdən sonra məlumat verib.
İqtisadçı vəkilə aclıq aksiyasını sona qədər davam etdirəcəyini bildirib.
Vəkilin sözlərinə görə, Qasımov həbsxana xəstəxanasında ayrıca otaqda nəzarət altında saxlanılır. O, yalnız su içir və heç bir yemək qəbul etmir, deyə vəkil bildirib.
* Fazil Qasımov 2023-cü il avqustun 7-də Türkiyədə saxlanılaraq Azərbaycana gətirilib və Cinayət Məcəlləsinin 204.3.1-ci (satış məqsədi ilə hazırlama, o cümlədən saxta pul və ya xarici valyuta əldə etmə və ya satma - eyni əməllər mütəşəkkil dəstə tərəfindən törədildikdə) maddəsi ilə ittiham olunur.
İstintaq iddia edir ki, saxta pulu sonradan həbs edilən müxalif siyasətçi Qubad İbadoğluya verib.
Bu günlərdə Qasımov Baş prokurora, Ombudsmana, yerli və beynəlxalq ictimaiyyətə müraciətində bu ifadəni işgəncə altında verdiyini bildirib. O, İbadoğluna saxta pul vermədiyini, onunla FETÖ mövzularında (Türkiyədə terror təşkilatı kimi tanınan vaiz Fətullah Gülənin hərəkatı) heç vaxt müzakirə etmədiyini bildirərək bu ifadəsini geri götürüb.
Qasımov iyunun 14-dən istintaqın əvvəlində ona qarşı əsassız cinayət təqibinə və işgəncələrə etiraz olaraq aclıq aksiyası keçirir.
