USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aİ-nin diplomatiya rəhbəri: ABŞ bir ildən çoxdur Ukraynaya dəstək göstərmir
Avropa Birliyinin diplomatiya üzrə ali nümayəndəsi Kaya Kallas ABŞ-nin bir ildən artıqdır ki, Ukraynaya dəstək vermədiyini bildirib.
Onun sözlərinə görə, hazırda avropalıların əsas diqqəti məhz bu məqama yönəlib. Kallas qeyd edib ki, Ukraynaya real dəstəyi son bir ildən çoxdur Avropa ölkələri göstərir:
“Artıq görürük ki, ABŞ bir ildən çoxdur Ukraynaya dəstək göstərmir. Bu dəstəyi verənlər avropalılardır”.
Aİ rəsmisi vurğulayıb ki, Ukrayna münaqişəsinin həlli ilə bağlı istənilən razılaşmanın işlək olması üçün Avropanın prosesdə iştirakı zəruridir.
Bununla yanaşı, ABŞ dövlət katibi Marko Rubio daha əvvəlki açıqlamasında bildirib ki, Amerikanın Avropa müttəfiqləri öz müdafiə qabiliyyətlərinə kifayət qədər sərmayə qoymayıblar və ABŞ-nin dəstəyi olmadan Ukraynaya təhlükəsizlik zəmanəti vermək imkanına malik deyillər.
Qeyd edək ki, ABŞ və Avropa arasında Ukraynaya dəstək məsələsində mövqelərin fərqlənməsi son dövrlər beynəlxalq gündəmdə geniş müzakirə olunur.
