USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İmişli Rayon Ağsaqqallar Şurasının keçmiş sədri Saleh Səmədov həbs edilib
İmişli Rayon Ağsaqqallar Şurasının keçmiş sədri Saleh Səmədov Dövlət Təhlükəsizliyi Xidməti (DTX) tərəfindən saxlanılıb. O, mayın 9-da Qələbə Günü münasibətilə keçirilən tədbirdə SSRİ bayrağı altında, sinəsində “Georgi lenti” taxaraq çıxış edib. Bu hərəkət Azərbaycan cəmiyyətində geniş rezonans doğurub.
Səbail Rayon Məhkəməsi Saleh Səmədov barəsində AR Cinayət Məcəlləsinin 179-cu (mənimsəmə) maddəsi ilə 4 aylıq həbs qətimkan tədbiri seçib. Rəsmi məlumatlara əsasən, o, vəzifəsindən sui-istifadə etməklə mənimsəmə cinayəti törətməkdə ittiham olunur.
Mayın 13-də Saleh Səmədov İmişli Rayon Ağsaqqallar Şurasının sədri vəzifəsindən azad edilib. Azərbaycan Ağsaqqallar Şurasının İdarə Heyətinin yaydığı açıqlamada bildirilir ki, Səmədov Şuranın adına ləkə gətirən hərəkətlərə yol verib, təşkilatın nizamnamə tələblərini kobud şəkildə pozub.
Qeyd edək ki, “Georgi lenti” son illər Rusiya tərəfindən imperiya simvolu kimi təbliğ olunur və Azərbaycanda bu simvolun ictimai tədbirlərdə nümayiş etdirilməsi cəmiyyətdə kəskin etirazla qarşılanır.
Hadisə ilə bağlı istintaq davam edir.
