Ötən gün fəvvarələr meydanında "Saleh Rüstəmliyə azadlıq" süari altında aksiya təşkil olunub. Etiraz aksiyasında polis İştirakçılara şiddət göstərərək aksiyanı dağıdıb. 40-dan çox vətəndaş polis bölməsinə aparılıb. Onların arasında radikal müxalifət fikirləri ilə tanınan ACXP -nın fəal üzvü Əhməd Bağıyev polis bölməsində döyülüb.

Bakı şəhəri, Xətai rayon məhkəməsinin Hakimi Samirə İsmayılovanın sədrliyi ilə keçirilən məhkəmə prosesində Bağıyev Əhməd Vəliağa oğlu inzibati xəta törətməkdə təqsirli bilinərək 20 gün müddətinə azadlıqdan məhrum edilib.

Saleh Rüstəmli 2018-ci il mayın 8-də narkotik ittihamı ilə tutulub. İki gün sonra onun qardaşı oğlu Vidadi Rüstəmli də eyni ittihamla saxlanılıb. Daha sonra mayın 25-də Azərbaycan Xalq Cəbhəsi Partiyasının (AXCP) üç funksioneri (Aqil Məhərrəmov, Babək Həsənov və Ruslan Nəsirov) tutulub. Bundan sonra ittihamın dəyişdiyi bəlli olub. Onların saxlanılması ilə bağlı yayılan rəsmi açıqlamaya görə, AXCP funksionerləri və Rüstəmli çirkli pul vəsaitlərini leqallaşdırmaqda günahlandırılırlar. AXCP ittihamı təkzib edib.


.