USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zabil Qəhrəmanov barəsində 3 aylıq həbs qətimkan tədbiri seçildi
Gəncədə saxlanılan vəkil Zabil Qəhrəmanov barəsində məhkəmə qərarı açıqlanıb. Oktyabrın 25-də Gəncə Şəhər Məhkəməsində hakim Liza Xanməmmədovanın sədrliyi ilə keçirilən iclasda onun haqqında 3 ay müddətinə həbs qətimkan tədbiri seçilib.
Zabil Qəhrəmanov oktyabrın 23-də avtoyuma məntəqəsində bir şəxsə xəsarət yetirməkdə şübhəli bilinərək saxlanılmışdı. O, hazırda Cinayət Məcəlləsinin:
• 221.2.2-ci (xuliqanlıq – ictimai qaydanı pozulmasının qarşısını alan şəxsə müqavimət göstərmə),
• 178.2.4-cü (dələduzluq – xeyli miqdarda ziyan vurmaqla)
maddələri ilə ittiham olunur.
Bundan əvvəl, oktyabrın 8-də Vəkillər Kollegiyası Zabil Qəhrəmanovun fəaliyyəti ilə bağlı araşdırma apararaq, onun vəkil fəaliyyətini 6 ay müddətinə dayandırmışdı.
Zabil Qəhrəmanov ictimaiyyətə daha çox Tovuzda 11 yaşlı Nərmin Quliyevanın qətli işi üzrə təqsirləndirilən İlkin Süleymanovun vəkili kimi tanınıb. O, həmçinin AXCP fəalları Sahib Məmmədzadə və Şahin Hacıyevin də müdafiəçisi olub.
Hazırda cinayət işi üzrə istintaq davam edir.
