USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“QHT işi” üzrə Qalib Bayramovun məhkəməsi başlayıb
“QHT işi” üzrə ittiham olunanlardan biri, İqtisadi Tədqiqatlar Mərkəzi İctimai Birliyinin Mərkəzi İdarə Heyətinin sədri, iqtisadçı Qalib Bayramovun cinayət işi üzrə məhkəmə prosesi başlayıb.
Oktyabrın 8-də Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən hazırlıq iclasında əvvəlcə təqsirləndirilən şəxsin anket məlumatları dəqiqləşdirilib. Daha sonra vəkil Zibeydə Sadıqova vəsatət qaldıraraq, cinayət işinə bəraətverici əsaslarla xitam verilməsini tələb edib.
Dövlət ittihamçısı vəsatətin bu mərhələdə baxılmamış saxlanılmasını istəyib və məhkəmə həmin mövqeyi dəstəkləyib. Nəticədə, Qalib Bayramov barəsində seçilmiş polis nəzarəti qətimkan tədbiri dəyişdirilmədən qüvvədə saxlanılıb, iş isə məhkəmə baxışına göndərilib.
Prosesin davamı oktyabrın 22-nə təyin edilib.
Qalib Bayramov Cinayət Məcəlləsinin 193-1.3.2-ci (cinayət yolu ilə əldə edilmiş əmlakı leqallaşdırma — xeyli miqdarda törədildikdə) və 308-ci (vəzifə səlahiyyətlərindən sui-istifadə) maddələri ilə ittiham olunur.
O, iqtisadçı-professor Qubad İbadoğlunun qardaşıdır.
