USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Həcc ziyarətinə getmək istəyənlərin nəzərinə
Qafqaz Müsəlmanları İdarəsi (QMİ) 2026-cı il Həcc ziyarəti ilə bağlı vətəndaşlara müraciət edib.
QMİ-nin Xarici əlaqələr şöbəsinin müdiri, Həcc elektron sisteminin rəhbəri Vüsal Cahangirinin verdiyi məlumata görə, Səudiyyə Ərəbistanının Həcc və Ümrə Nazirliyi bütün ölkələr üzrə Həcc missiyalarından qeydiyyat prosedurlarının erkən başa çatdırılmasını ciddi şəkildə tələb edir.
Onun sözlərinə görə, Ramazan ayının 1-dən etibarən Həcc vizalarının verilməsinə başlanılacaq və bu proses təxminən ay yarım davam edəcək. Bu səbəbdən Həcc ziyarətinə getmək niyyətində olan Azərbaycan vətəndaşlarından qeydiyyat üçün vaxt itirmədən müraciət etmələri xahiş olunur.
Vüsal Cahangiri bildirib ki, kvotanın dolub-dolmamasından asılı olmayaraq, Həcc ziyarəti üçün sənədlərin qəbulu 15 fevral tarixində yekunlaşacaq.
QMİ vətəndaşları vaxtında qeydiyyatdan keçməyə və prosedurlarla bağlı yalnız rəsmi mənbələrə istinad etməyə çağırır.
