USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniyada azərbaycanlı dəstə başçısı saxlanılıb
Almaniya Federal Polisi uzunmüddətli istintaq nəticəsində Vuppertal şəhərində 40 yaşlı Azərbaycan vətəndaşını saxlayıb.
Almaniya mətbuatının yaydığı məlumata görə, saxlanılan şəxs ən azı 87 miqrantın qeyri-qanuni şəkildə ölkəyə gətirilməsini təşkil edən mütəşəkkil cinayətkar qrupun lideri olub.
İstintaq Çexiya polisindən daxil olan məlumatlar əsasında başlanıb. 2024-cü ilin yayında Çexiyanın Almaniya ilə sərhəddə yerləşən ərazisində bir səyyar evə baxış zamanı ondan çox qeyri-qanuni miqrant aşkarlanıb. Sonradan məlum olub ki, dəstə bu üsulla Almaniyaya azı altı dəfə insan keçirib.
Federal polis qrupun fəaliyyəti nəticəsində ölkəyə gətirilən 87 miqrantın şəxsiyyətini müəyyənləşdirib. Araşdırmalar göstərib ki, dəstə başçısı Almaniyada müxtəlif səyyar evləri icarəyə götürərək onları miqrantların gizlədilməsi və daşınması üçün istifadə edib.
Azərbaycan vətəndaşı olan şübhəliyə qarşı insanların həyatına təhlükə yaradacaq şəraitdə, kommersiya məqsədilə qeyri-qanuni miqrant daşınması ittihamı irəli sürülüb.
