USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sabiq prezident Sarkoziyə 5 il həbs cəzası verilib
Paris məhkəməsi Fransanın sabiq prezidenti Nikola Sarkozini 5 il müddətinə azadlıqdan məhrum edib.
“France 24”ün məlumatına görə, Sarkozi 2007-ci il prezident seçkiləri kampaniyasının Liviya tərəfindən maliyyələşdirilməsi ilə bağlı işdə sui-qəsddə təqsirli bilinib. İttihamda qeyd olunur ki, o, Liviya lideri Müəmmər Qəddafidən qeyri-qanuni vəsait almaq üçün razılaşma əldə edib.
Prokurorların iddiasına əsasən, 2005-ci ildə Sarkozi beynəlxalq dəstək müqabilində seçki kampaniyasının maliyyələşdirilməsi üçün Qəddafi ilə müqavilə bağlayıb.
Qeyd edək ki, sabiq prezident daha əvvəl korrupsiya, kampaniyanın qanunsuz maliyyələşdirilməsi və Liviya dövlət vəsaitlərinin gizlədilməsində də ittiham olunmuşdu.
Nikola Sarkozi isə öz növbəsində bütün ittihamları rədd edərək, barəsində heç bir sübut olmadığını bildirib.
Faktla bağlı işin detalları ictimaiyyətə açıqlanmayıb.
