USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Pezeşkian təhlükəsizlik qüvvələrini etirazlar zamanı təmkinli davranmağa çağırıb
İran Prezidenti Məsud Pezeşkian ölkədə 10 gündən artıqdır davam edən etirazlar fonunda təhlükəsizlik qüvvələrinə müraciət edərək maksimum təmkin nümayiş etdirməyə çağırıb.
Prezident bildirib ki, təhlükəsizlik orqanlarının əsas vəzifəsi dialoq və dinc ünsiyyəti təmin etmək, İran xalqının tələblərinə qulaq asmaqdır. Onun sözlərinə görə, hər cür zorakı hərəkətlərdən və məcburiyyətdən çəkinmək lazımdır. “Maksimum təmkin, dialoq və dinc yanaşma əsas prinsip olmalıdır”, – deyə Pezeşkian vurğulayıb.
Qeyd edək ki, ötən gün Tehran, Təbriz və Məşhəd şəhərlərində genişmiqyaslı etiraz aksiyaları keçirilib. Paytaxt Tehranda nümayişçilər Ayətullah Kaşani bulvarında, Yusifabad və Azadi rayonlarında toplaşaraq hökumət əleyhinə şüarlar səsləndiriblər. Etirazçılar əsasən yaşayış şəraitinin yaxşılaşdırılmasını və sosial-iqtisadi problemlərin həllini tələb ediblər.
