USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lənkəranda 34 yaşlı qadın ikinci dəfə üçəm dünyaya gətirib
Lənkəran Rayon Mərkəzi Xəstəxanasında üçəm doğulub.
TƏBİB-dən verilən məlumata görə, 1992-ci il təvəllüdlü hamilə fevralın 9-da doğum şöbəsinə yerləşdirilib. Pasiyent üzərində aparılan qeysəriyyə əməliyyatı ilə üçəmlərin doğuş prosesi uğurla həyata keçirilib.
Körpələrin çəkiləri müvafiq olaraq 2 kq, 2,1 kq və 2 kq, boyları isə 40, 41 və 42 sm-dir. Üçəmlərdən ikisi oğlan, biri qızdır.
Hazırda ana və yenidoğulmuşların vəziyyəti kafi qiymətləndirilir. Körpələr həkim-neonatoloqun nəzarətindədir.
Qeyd edək ki, 34 yaşlı qadının bundan əvvəl iki oğlan və bir qız övladı var. Onun əvvəlki övladlarından biri əkiz hamiləlik nəticəsində dünyaya gəlib.
