USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hacı Əliyevə mayor rütbəsi verilib
Güləş üzrə 4 qat Avropa və 3 qat dünya çempionu Hacı Əliyev mayor rütbəsi alıb.
Bu barədə idmançı sosial şəbəkə hesabında paylaşım edib. O bildirib ki, Dövlət Sərhəd Xidmətinin rəisi, general-polkovnik Elçin Quliyev tərəfindən ona mayor rütbəsi verilib.
Hacı Əliyev paylaşımında qeyd edib:
“Bu gün həyatımda unudulmaz günlərdən biri oldu. Dövlət Sərhəd Xidmətinin rəisi general-polkovnik Elçin Quliyev tərəfindən mayor rütbəsinə layiq görülmək mənim üçün böyük şərəf və məsuliyyətdir. Göstərilən etimada görə təşəkkür edir, Vətənə xidmət yolunda daha böyük əzmlə çalışacağımı bildirirəm.”
Qeyd edək ki, Hacı Əliyev Azərbaycanın ən titullu güləşçilərindən biridir və beynəlxalq arenada ölkəmizi uğurla təmsil edir.
