USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Başlıbel qətliamının 33-cü ildönümü qeyd olunur
Bu gün Başlıbel qətliamının 33-cü ildönümüdür.
1993-cü il aprelin 18-də Kəlbəcər rayonu ərazisində, Ermənistan silahlı qüvvələrinin hücumu zamanı Başlıbel kəndində ağır cinayət hadisələri baş verib.
Məlumata görə, təxminən 2 min nəfər əhalisi olan kənddə 73 sakin mühasirədə qalıb və evlərini tərk edə bilməyib. Aprelin əvvəlində mühasirədən çıxmağa çalışan kənd sakinləri hücuma məruz qalıb, nəticədə 9 nəfər öldürülüb, 5 nəfər girov götürülüb.
Daha sonra aprelin 18-də kahalarda gizlənən kənd sakinləri aşkar edilərək yenidən hücuma məruz qalıb. Hadisələr nəticəsində daha 18 nəfər qətlə yetirilib, 14 nəfər isə girov götürülüb. Bir nəfər itkin düşüb, 30 nəfər isə 113 gün davam edən mühasirədən sonra dağ yolları ilə çıxmağa nail olub.
Kəlbəcər rayonu 2020-ci ildə, Vətən müharibəsi zamanı azad edilib.
