USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zəngi liseyində mediasiya mövzusunda maarifləndirici seminar keçirilib
Zəngi liseyində mediasiya sahəsində maarifləndirmə məqsədilə seminar təşkil olunub. Tədbirdə Azərbaycan Respublikasının Vəkillər Kollegiyasının üzvü, 23 saylı Mediasiya Təşkilatının təsisçisi Esmira Rzayeva iştirak edib.
Seminar zamanı şagirdlərə mediasiyanın mahiyyəti, üstünlükləri və mübahisələrin alternativ həll üsulları barədə ətraflı məlumat verilib. Eyni zamanda, “Məktəbli mediatorların yetişdirilməsi” layihəsi təqdim olunaraq, bu təşəbbüsün şagirdlər arasında ünsiyyətin gücləndirilməsi, əməkdaşlıq bacarıqlarının inkişafı və münaqişələrin sülh yolu ilə həlli baxımından əhəmiyyəti vurğulanıb.
Tədbirdə 23 saylı Mediasiya Təşkilatının mediatorları Gülnar Səfərova və Elçin Quliyev də iştirak edərək öz təcrübələrini bölüşüblər.
İnteraktiv və maarifləndirici formatda keçirilən seminar şagirdlər və müəllimlər tərəfindən maraqla qarşılanıb. Tədbirin əsas məqsədi gənclər arasında hüquqi biliklərin artırılması və mediasiya mədəniyyətinin təbliği olub.
