USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Makronun Türkiyəyə quru sərhəddən keçidi ilə bağlı iddialar yayılıb
Rəcəb Tayyib Ərdoğanın Emmanuel Macrona Ermənistan üzərindən Türkiyəyə quru sərhəd keçidi üçün icazə vermədiyi iddia olunur.
Bu barədə “AZfront” adlı Telegram kanalı məlumat yayıb. İddiaya görə, mayın 3–5-də İrəvanda səfərdə olan Fransa Prezidenti Ermənistan-Türkiyə bağlı sərhədindən keçərək Ankaraya getməyi planlaşdırırdı və bunu “siyasi rəmzi addım” kimi nəzərdə tutmuşdu.
Məlumatda bildirilir ki, səfər ilkin mərhələdə Türkiyə tərəfinin bəzi nümayəndələri ilə razılaşdırılsa da, məsələ Rəcəb Tayyib Ərdoğan səviyyəsində müzakirəyə çıxarıldıqdan sonra buna razılıq verilməyib. İddiaya görə, qərarın qəbulunda Azərbaycanın mövqeyi də nəzərə alınıb.
Qeyd edək ki, bu məlumat rəsmi Ankara və ya Paris tərəfindən təsdiqlənməyib.
