USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı Enerji Həftəsində ilk Azərbaycan–ABŞ İqtisadi Dialoqu keçiriləcək
Bakı Enerji Həftəsi çərçivəsində iyunun 2-də Azərbaycan və ABŞ arasında iqtisadi əməkdaşlığın inkişafına həsr olunan mühüm tədbir təşkil ediləcək.
Azərbaycan Respublikasının İqtisadiyyat Nazirliyinin məlumatına görə, Azərbaycan Respublikası Hökuməti ilə Amerika Birləşmiş Ştatları Hökuməti arasında Strateji Tərəfdaşlıq haqqında Xartiyaya uyğun olaraq ilk Azərbaycan–ABŞ İqtisadi Dialoqu keçiriləcək.
Tədbir Azərbaycan Respublikasının İqtisadiyyat Nazirliyi və United States Department of State tərəfindən birgə təşkil olunur.
Dialoq çərçivəsində regional bağlantılar, ticarət, sənaye, investisiyalar, enerji təhlükəsizliyi, tranzit imkanları, süni intellekt və rəqəmsal infrastruktur sahələrində əməkdaşlıq perspektivləri müzakirə ediləcək.
Bundan əlavə, hər iki ölkənin biznes nümayəndələrinin iştirakı ilə xüsusi sessiyaların keçirilməsi, eləcə də iqtisadi əməkdaşlığın genişləndirilməsinə yönəlmiş bir sıra sənədlərin imzalanması nəzərdə tutulur.
Mütəxəssislərin fikrincə, bu dialoq Azərbaycan ilə ABŞ arasında iqtisadi əlaqələrin yeni istiqamətlər üzrə inkişafına və qarşılıqlı investisiya imkanlarının genişlənməsinə əlavə töhfə verə bilər.
