USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Robert Köçəryan: “Nikol Paşinyan getməsə, sonu çox pis olacaq”
Ermənistanın ikinci prezidenti, “Ermənistan bloku”nun baş nazir postuna namizədi Robert Köçəryan baş nazir Nikol Paşinyan haqqında sərt açıqlamalar verib.
Köçəryan parlament seçkilərində səs verdikdən sonra jurnalistlərin suallarını cavablandırarkən bildirib ki, Paşinyan seçkilərdə məğlub olacağı halda hakimiyyəti təhvil verməzsə, ölkədə ciddi problemlər yarana bilər.
“Əgər Nikol Paşinyan getməsə, sonu çox pis olacaq”, – deyə Köçəryan vurğulayıb.
Jurnalistlər onun bu sözlərlə nəyi nəzərdə tutduğunu dəqiqləşdirmək istədikdə, keçmiş prezident əlavə izah verməkdən yayınaraq hər kəsin bu ifadəni öz təxəyyülü çərçivəsində dəyərləndirməsini təklif edib.
Köçəryan həmçinin seçki ərəfəsində hakimiyyət tərəfindən təzyiqlərin göstərildiyini iddia edib. Onun sözlərinə görə, müxalifət fəallarına qarşı repressiv tədbirlər həyata keçirilib və bunun məqsədi müxalifətin seçki qərargahlarının fəaliyyətini pozmaq olub.
“Əlbəttə ki, belə addımları gözləyirdik. Repressiv mexanizm işə salınıb. Məqsəd müxalifət fəallarını təcrid etmək və qərargahların işini pozmaq idi”, – deyə o bildirib.
Keçmiş prezident hakimiyyəti tənqid edərək bəzi müxalifət nümayəndələrinin seçki günü ərəfəsində saxlanıldığını və bunun seçki prosesinə təsir göstərmək məqsədi daşıdığını iddia edib.
Ermənistanda parlament seçkiləri hakimiyyətlə müxalifət arasında kəskin siyasi rəqabət fonunda keçirilir. Müxalif qüvvələr hökuməti inzibati resurslardan istifadə etməkdə ittiham edir, hakimiyyət isə bu iddiaları rədd edir.
