USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan parlament seçkilərində səs verib
Ermənistanın Baş naziri Nikol Paşinyan ölkədə keçirilən parlament seçkilərində səs verib.
Baş nazir səhər saatlarında İrəvan şəhərinin Şenqavit rayonu ərazisində yerləşən seçki məntəqəsinə gələrək səsvermədə iştirak edib.
Qeyd edək ki, parlament seçkilərində ümumilikdə 18 siyasi qüvvə — 16 partiya və 2 seçki bloku mübarizə aparır. Ölkə üzrə 2 mindən çox seçki məntəqəsi fəaliyyət göstərir.
Ermənistanın seçki qanunvericiliyinə əsasən, siyasi partiyalar üçün parlamentə keçid həddi 4 faiz, iki və ya üç partiyadan ibarət bloklar üçün 8 faiz, dörd və daha çox partiyanın yaratdığı birliklər üçün isə 10 faiz müəyyən edilib.
Qanunvericilikdə minimum seçici fəallığı həddi nəzərdə tutulmadığından seçkilər iştirak səviyyəsindən asılı olmayaraq etibarlı hesab ediləcək.
Səsvermənin yerli vaxtla saat 20:00-da başa çatacağı, ilkin nəticələrin isə növbəti gün açıqlanacağı gözlənilir.
