USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Toplum TV işi” üzrə təqsirləndirilən şəxslərə cəza istənilib
Toplum TV ilə bağlı cinayət işi üzrə məhkəmə araşdırması yekunlaşıb və dövlət ittihamçısı təqsirləndirilən şəxslər üçün cəza tələblərini açıqlayıb.
Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən prosesdə prokuror aşağıdakı cəzaları təklif edib:
* Akif Qurbanov – 16 il azadlıqdan məhrumetmə
* Ruslan İzzətli – 16 il
* Ələsgər Məmmədli – 15 il
* Əli Zeynalov – 15 il
* Ramil Babayev – 14 il
* Müşfiq Cabbarov – 14 il
* İlkin Əmrahov – 14 il
* Fərid İsmayılov – 13 il
* Elmir Abbasov – 13 il
Dövlət ittihamçısı həmçinin bütün təqsirləndirilən şəxslərin 3 il müddətinə dövlət və yerli özünüidarəetmə orqanlarında müəyyən vəzifələr tutmaq hüququndan məhrum edilməsini, üzərlərinə həbs qoyulmuş əmlakların müsadirəsini və Elmir Abbasovun məhkəmə zalında həbs olunmasını təklif edib.
Növbəti məhkəmə iclası iyunun 22-nə təyin olunub.
İşin mahiyyəti
2024-cü il martın 6-da Daxili İşlər Nazirliyinin keçirdiyi əməliyyat zamanı Toplum TV-nin ofisində və digər ünvanlarda axtarışlar aparılıb. Əvvəlcə təqsirləndirilən şəxslərə qaçaqmalçılıq ittihamı irəli sürülüb. Sonradan ittihamlar genişləndirilib və bir sıra əlavə maddələr üzrə ittihamlar elan edilib.
Təqsirləndirilən şəxslər ittihamları qəbul etmir və həbslərinin siyasi motivli olduğunu bildirirlər. İş üzrə yekun hökm hələ çıxarılmayıb.
