USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azov dənizində həlak olan azərbaycanlıların nəşi tapılıb
Azov dənizində dron hücumları nəticəsində zərər görmüş gəmilərdə itkin düşən Azərbaycan vətəndaşlarından daha ikisinin nəşi aşkarlanıb.
Xarici İşlər Nazirliyinin yaydığı məlumata görə, axtarış-xilasetmə tədbirləri zamanı 1969-cu il təvəllüdlü Qismət Əliyevin və 1981-ci il təvəllüdlü Fuad Orucovun nəşləri tapılıb.
Bildirilib ki, iyunun 5-də baş vermiş hadisə nəticəsində zərər çəkmiş gəmilərin heyət üzvləri olan 19 Azərbaycan vətəndaşı artıq ölkəyə yola salınıb. Onların iyunun 9-da günorta saatlarında Azərbaycana çatmaları gözlənilir.
XİN-in məlumatına əsasən, müvafiq prosedurlar başa çatdıqdan sonra nəşi aşkarlanan dörd Azərbaycan vətəndaşının cənazələri, eləcə də onları müşayiət etmək üçün Rusiyanın Yeysk şəhərində qalan iki nəfər vətəndaş yaxın günlərdə ölkəyə gətiriləcək.
Qeyd edək ki, Azov dənizində yük gəmilərinə qarşı həyata keçirilən dron hücumları nəticəsində Azərbaycan vətəndaşları arasında həlak olanlar və yaralananlar olub. Hadisə ilə bağlı axtarış-xilasetmə və konsulluq tədbirləri davam etdirilir.
