USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail ordusu Qəzzada HƏMAS-ın hərbi komandirinin öldürüldüyünü açıqlayıb
İsrail Müdafiə Qüvvələri (İMQ) Qəzza zolağında HƏMAS-a məxsus hərbi obyektlərə qarşı yeni əməliyyatlar həyata keçirdiyini bildirib.
Ordunun yaydığı məlumata görə, zərbələr nəticəsində HƏMAS-ın hərbi qanadında komandir vəzifəsində fəaliyyət göstərdiyi bildirilən İsmayıl əl-Ləham öldürülüb. İsrail tərəfi əməliyyat zamanı təşkilatın digər üzvlərinin də zərərsizləşdirildiyini iddia edir.
Bəyanatda qeyd olunub ki, hücumlar zamanı HƏMAS-ın Dəniz Polisi qərargahı və Qəzza zolağının cənubunda yerləşən üç silah anbarı hədəfə alınıb. İsrail ordusunun məlumatına əsasən, zərbələrdən əvvəl ərazi sakinlərinə xəbərdarlıq edilib.
İMQ həmçinin silah anbarlarının vurulmasından sonra baş verən ikinci dərəcəli partlayışların həmin obyektlərdə sursat və silahların saxlanıldığını göstərdiyini bildirib.
Məlumat İsrail ordusunun açıqlamasına əsaslanır. HƏMAS tərəfindən hadisə ilə bağlı hələlik rəsmi münasibət açıqlanmayıb.
