USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ADY: Bu il dəmir yolu keçidlərində 15 qəza baş verib
2026-cı ilin əvvəlindən etibarən Azərbaycanda dəmir yolu keçidlərində 15 yol-nəqliyyat hadisəsi qeydə alınıb.
Bu barədə “Azərbaycan Dəmir Yolları” QSC (ADY) məlumat yayıb. Bildirilib ki, baş verən qəzalar nəticəsində 2 nəfər həyatını itirib, 1 nəfər isə müxtəlif dərəcəli bədən xəsarətləri alıb.
Qurumun açıqlamasına görə, hadisələrin böyük əksəriyyəti sürücülərin dəmir yolu keçidlərində təhlükəsizlik qaydalarına əməl etməməsi ilə əlaqədardır.
ADY qeyd edib ki, təhlükəsizlik şirkətin əsas prioritetlərindən biridir. Hər gün dəmir yolu nəqliyyatından istifadə edən təxminən 50 min sərnişinin, eləcə də dəmir yolu infrastrukturunun yaxınlığında yaşayan yüz minlərlə vətəndaşın təhlükəsizliyinin təmin olunmasına xüsusi diqqət yetirilir.
Məlumatda vurğulanıb ki, qəzaların qarşısının alınması məqsədilə mütəmadi maarifləndirmə tədbirləri həyata keçirilir, təhsil müəssisələrində görüşlər təşkil olunur və sosial şəbəkələr vasitəsilə təhlükəsizlik qaydaları barədə məlumatlandırma aparılır.
Bununla yanaşı, dəmir yolu keçidlərində yol nişanlarının yenilənməsi, vizual xəbərdarlıq vasitələrinin artırılması və infrastrukturun təkmilləşdirilməsi istiqamətində işlərin davam etdirildiyi bildirilib.
